ಊರಿಗೊಬ್ಬ ರಾಜನಂತೆ – ಗಿರಿಬಾಲೆಯವರ ಪದ್ಯ
ಒಂದಾನೊಂದು ಊರಿತ್ತಂತೆ
ಊರಿಗೊಬ್ಬ ರಾಜನಂತೆ
ರಾಜಗೊಬ್ಬ ಮಂತ್ರಿಯಂತೆ
ಮಂತ್ರಿಗೊಬ್ಬ ಮಗಳಂತೆ
ಮಗಳಿಗೊಂದು ಗೊಂಬೆಯಂತೆ
ಗೊಂಬೆಗೊಂದು ಅಂಗಿಯಂತೆ
ಅಂಗಿಗೊಂದು ಗುಂಡಿಯಂತೆ
ಗುಂಡಿ ಕಿತ್ತು ಹೋಯಿತಂತೆ
ದರ್ಜಿಯನ್ನು ಕರೆದರಂತೆ
ದರ್ಜಿ ಬಂದು ನೋಡಿದನಂತೆ
ಗುಂಡಿ ಬಲು ಹಳೆಯದಂತೆ
ಬೇರೆ ಗುಂಡಿ ತಂದನಂತೆ
ಅಂಗಿಗಿಟ್ಟು ಹೊಲಿದನಂತೆ
ಅಂಗಿ ಸರಿಯಾಯಿತಂತೆ
ಮಂತ್ರಿ ಮಗಳ ಆಸೆಯಂತೆ
ಗೊಂಬೆಗಂಗಿ ಹಾಕಿದರಂತೆ
ತುಂಬ ಚಂದ ಕಂಡಿತಂತೆ
ಗೊಂಬೆಯಾಟ ಆಡಿದಳಂತೆ
ಬೇರೆ ಗೊಂಬೆ ತಂದಳಂತೆ
ಎರಡಕ್ಕೂ ಮದುವೆಯಂತೆ
ಊರಿನ ರಾಜ ಬರುವನಂತೆ
ನಿಂತು ಮದುವೆ ಮಾಡುವನಂತೆ
ನಾನೂ ನೀನೂ ಹೋಗೋಣಂತೆ
ಮದುವೆ ನೋಡಿ ಬರೋಣಂತೆ
ಈ ಕವನವು ಒಂದು ಕಾಲ್ಪನಿಕ ಊರಿನ ಕಥಾನಕದಂತಹ ಸಾಲುಗಳಿಂದ ಕೂಡಿದೆ. ಕವನದಲ್ಲಿ ಊರಿನ ರಾಜ, ಆತನ ಮಂತ್ರಿ ಮತ್ತು ಮಂತ್ರಿಯ ಮಗಳ ಬಗ್ಗೆ ಹೇಳಲಾಗಿದೆ. ಮಂತ್ರಿಯ ಮಗಳಿಗೆ ಗೊಂಬೆಯೊಂದು ಇದ್ದು, ಆ ಗೊಂಬೆಯ ಅಂಗಿಗೆ ಗುಂಡಿ ಬಿದ್ದು ಹೋಗಿದೆ. ದರ್ಜಿಯನ್ನು ಕರೆಸಿ ಅಂಗಿಯನ್ನು ಹೊಲಿದ ನಂತರ, ಮಂತ್ರಿಯ ಮಗಳು ಗೊಂಬೆಯಾಟ ಆಡಿದಳು ಮತ್ತು ಅದಕ್ಕೊಂದು ಗಂಡ ಗೊಂಬೆಯನ್ನು ತಂದು, ಅವೆರಡಕ್ಕೂ ಮದುವೆ ಆಯೋಜನೆ ಮಾಡಿದಳು. ಅಂತೆಯೇ, ಈ ಕವನದಲ್ಲಿ ಊರಿನ ಜನರು ಮದುವೆಗೆ ಹೋಗಿ ಅದನ್ನು ವೀಕ್ಷಿಸುವ ಕುತೂಹಲಕಾರಿ ಸಂಘಟನೆ ಹೇಳಲಾಗಿದೆ.
